TAREENKII ORIENT EXPRESS Q-13

 

Markii ay baxday foolka saaxiibkiis wax ka muuqday isku wareer wuxuuna yiri

“Ma u malaynsaysa in ay ayadu dishay? Balse waayo? Qof wanaagsan ayay u egtahay, qofka ifka ugu danbeeya oo in uu wax dilo loo malayn karo.”

“Waan kugu raacsanahay” ayaa Dr Costantine yiri,

“Qof dagan weeye, nacabkeeda ma aysan disheen ee maxkamad ayay gayn lahayd”

“Garaad sare oo aan beer jileec lahayn ayaa dilkaan ka danbeeya, Miss Debenham na tilmaantaas waa leedahay”

M bouc madaxa ayuu ruxay oo yiri,

“Waad qaldantahay saxiibkeey, gabadhaas danbiile ma ahan”

“Sabab kale ayaa jirta oo aan si taxadar leh aan uga fakaray ayada, weli kuuma sheegin wixii aan maqlay markii aan istanbuul u soo soconay”

Wuxuu u sheegay labada nin haddalkii ay miss Miss Debenham ay ku tiri gaashaanle Arbuthnot markii la joogay goobta tareenka ee konya,

M bouc hadaladii loo sheegay ayuu ku celiya asag oo leh,

“Hadda maya, markay waxa dhan dhamaadaan, markii ay na gudubto, dhab ahaantii waa wax lala yaabo, waxay tilaamaysa in ayada iyo gaashaanle Arbuthnot ay mas’uul ka yihiin wixii dhacay”

“Haa, balse dad kale ayaa jira oo noo sheegay in aysan ahayn kuwa dil kaystay ama gaysan kara, sida sheekada naagta sawedish ka ah iyo Mr Macqueen waxay cadaynaysa in labaduba aysan danbi lahayn, maya, halkaasna mid shaqaynaya maahan, waa hagaag” ayaa baarihii yiri asaga oo baasaboor soo qabtay, “markaan aan aragno qofkii ugu danbeeyay, shaqqalaha jarmal ka ah ee amiirada Dragomiroff, Hildegrad schmidt”

Markii ay soo gashay shaqaalihii si dabacsan ayaa Poirot u weydiiyay dhaq dhaqaaqeedii xalay.

“Wax aan ogahay ma jirto, Monsieur” ayay tiri

“Qofta aad u shaqayso xalay cid bay kuu soo dirtay, xilligii ma xasuusataa?”

“Maya, Monsieur, waan hurday markii kormeeruhu ii dhawaaqay”

“Sida badan ma aadaa habeenkii qolka qoftaad u shaqaysid?”

“Waa wax caadiya Monsieur, oo si fiican uma seexato”

“Markii aad qolkeeda aadaysay dharkaaga jiifka miyaad xiratay?”

“Taas wax wanaagsan uma eka, dharka aan maalintii xirto Ayaan gashtay”

“Waxaan umalayn dharkaga jiifku waa wanaagsan yahay, casaan in uu yahay baan filayaa/”

Intay eegatay ayay tiri

“Waa buluug tikh ah”

“Ah, waan gafay, markaas qolka amiirada ayaad aaday, maxaad samaysay markaad qolka tagtay?”

“Buug Ayaan u akhriyay, ka dib qolkaygaan imid si aan buste dheeraya ugu geeyo, ugu dabnayna waan seexday”

“Xilligu intuu ahaa ma taqaan?”

Maya Monsieur,”

“Marinka cidna ma kula kulmin miyaa?”

“Maya, Monsieur, qof joogay ma jirin kormeeraha maahane, waa la wada hurday”

“Waad aragtay kormeeraha sow maaha, muxuu smaynayay?”

“Qolalka mid ka mid ah ayuu ka soo baxayay”

M bouc inta horay u kuursaday ayuu si dag dag ah u yiri

“Qolkee?”

Naagtii oo baqday aya tiri

“Mid ka mid ah kuwa dhexe, laba ama saddex illin ka xiga kan amiirada”

“Miskiin kormeerha, habeenkiisii oo dhan mashquul ayuu ahaa, mar aduu ku soo kiciyay, haddana koorta ayaa qaylisay”

“Maahayn kormeeraha qofka I kacshay, Monsieur, qof kale ayuu ahaa”

“Qof kale? Haddaad aragto ma aqoonsan kartaa?”

“Waan u malayn, Monsieur”

Poirtot dhagta ayuu wax ugu sheegay M bouc, asana illinka ayuu aaday si uu amar u soo bixiyo

“Waligaa ameerika ma tagtay?”

“Maya, Monsieur, waase meel wanagsan baan u malayn”

Fistileeti ayuu jeebka ka soo saaray oo yiri.

“Kan adiga miyaa leh?”

Intay aamustay oo indoora fiir fiirisay aya tiri

“Maya, anigu ma lihi”

“Waxaa ku yaala erayga H, ma aragtaa—Hildegrade ayay u taagan tahay”

“Runtii anigu malihi, Monsieur, waa fistileeti qaali ah, waa kuwa naagaha lacagta leh”

“Nagtaas lacagta leh ma taqaan?”

Poirot wuxuu dareemay hakad ay samaysay intii aysan jaqaabin,

“Maya, Monsieur”

M bouc dhgta ayuu Poirot wax ugu sheegay, asna wuxuu yiri

“Saddexdii kormeere waa soo galayaan, fadlan ma aqoonsan kartaa kii xalay ku kiciyay?”

Saddexdii markay soo galeen Hildegrade waa ay fiirisay durbadiina madaxa ruxday,

“Maya, Monsieur, saddexdaan midna ma ahayn kaan xalay arkay, kuwaan waa rag dhaadheer oo waaweyn, kaan xalay arkay nin bar yar, oo aan aad u cadayn, oo shaaribo yar leh ayuu ahaa, iga raali ahoow ayuu I yiri, cod dabacsan sida codka naagaha ayuu lahaa, si fiican Ayaan u xasuustaa”

Turjime

Suladaan Cali Adam Ameriko

Leave a Reply